Кез-келген өркендеген мемлекеттің кепілі - білім мен ғылым. Өкінішке орай, қазіргі ұрпақ әлемнің дамуына үлес қосып жатқан пәндік олимпиадалардың жеңімпаздарын, ғалымдарды, инженерлер мен мұғалімдерді мақтан тұтып, олардан үлгі алуды қойған.
Алайда Қазақстанда жақсы оқып қана қоймай, мектеп бағдарламасынан тыс білім іздейтін және соның арқасында олимпиадаларға қатысу, ғылыми жобаларды жасау және зерттеу өткізу арқылы өмірлерінде биік шыңдарға қол жеткізетін мектеп оқушылары да аз емес.
Осы жобаның іске асырылуымен, біз осындай оқушыларды құрметтейтінімізді көрсетіп, жастарға жаңа үлгі тұтар тұлғаларды ұсынамыз.